ფრილანსერების დაზღვევა

კორპორაციულ გარემოში ჯანმრთელობის მოულოდნელი გაუარესება ფინანსურ საფრთხეს თითქმის არ ქმნის, რადგან თანამშრომლებს ანაზღაურებადი ბიულეტენი და სოციალური გარანტიები იცავს. როცა არჩევანი მოქნილ გრაფიკსა და დამოუკიდებლობაზე შეაჩერე, გაბედული ნაბიჯი გადადგი და ამ ბენეფიტებზეც თქვი უარი. თუმცა ამ გადაწყვეტილებას თან ახლავს გამოწვევები, რომელთა წინაშე შეიძლება ნებისმიერ დროს აღმოჩნდე.

ფრილანსინგის შემთხვევაში შემოსავალს სამუშაო საათები და მიმდინარე პროექტების რაოდენობა განსაზღვრავს. შესაბამისად, მსუბუქი ავადმყოფობაც კი კმარა, რომ ყოველდღიური ანაზღაურება შემცირდეს და რისკის ქვეშ დადგეს.

ამასთან, შენი ყოველდღიურობის განუყოფელი ნაწილი ახალი დამკვეთების ძიება და მათთან მუდმივი კომუნიკაციაა. თუკი ამ პროცესს თუნდაც მცირე ხნით ჩამოშორდები, ჩვეული ტემპის დაბრუნება როგორც ფინანსურად, ისე პროფესიულად გაგიჭირდება.

არასტაბილური შემოსავალი, სოციალური გარანტიებისა და კორპორაციული დაზღვევის არქონა ერთ დიდ სირთულეს ქმნის: სამედიცინო ხარჯები და საქმიანობის შეფერხება შენთვის ბევრად მძიმე ტვირთია, ვიდრე ოფისში დასაქმებულისთვის.

„ვაიზერმა“ შექმნა პოლისი, რომელიც სამი ძირითადი რისკისგან გიცავს. ეს კომპონენტები მჭიდროდ უკავშირდება ერთმანეთს და ფრილანსინგისთვის დამახასიათებელ მთავარ გამოწვევებს ფარავს.

ჯანმრთელობის დაზღვევა ფრილანსერებისთვის

ჯანმრთელობის დაზღვევის პოლისი ოჯახის ექიმის მომსახურებას, ამბულატორიულ ვიზიტებს, სასწრაფო დახმარებას, პროფილაქტიკურ კვლევებსა და მედიკამენტებს ფარავს. ასევე სრულად ფინანსდება ჰოსპიტალური მომსახურება როგორც გეგმიური, ისე გადაუდებელი შემთხვევები.

თვითდასაქმებულების დაზღვევა ისეთ რთულ სამედიცინო ჩარევებსაც ითვალისწინებს, როგორიცაა ინტერვენციული კარდიოლოგია და ონკოქირურგია;იფარება სტომატოლოგია როგორც გეგმიური ასევე გადაუდებელი; ხოლო ქალებისთვის ორსულობა/მშობიარობა.

24-საათიანი სატელეფონო ასისტანსი ნებისმიერ დროს გაგიწევს კონსულტაციას, პირადი მენეჯერი კი შესაბამისი კლინიკისა და ექიმის შერჩევაში დაგეხმარება.

სამედიცინო სერვისების გარდა, პოლისი მოულოდნელ ტრავმას, ავარიას ან სხვა გაუთვალისწინებელ შემთხვევებსაც ითვალისწინებს.

დღიური კომპენსაცია შრომისუუნარობის შემთხვევაში

პოლისის კიდევ ერთი უპირატესობა შემოსავლის დაცვაა. იმ შემთხვევაში, თუ ჯანმრთელობის პრობლემების გამო გარკვეული პერიოდის განმავლობაში მუშაობას ვერ შეძლებ, ,,ვაიზერი", მკურნალობის ხარჯების ანაზღაურებასთან ერთად, დღიურად ფიქსირებულ თანხას ჩაგირიცხავს.

ანაზღაურება კონკრეტული შემთხვევებისა და წლიური ლიმიტების მიხედვით არის განსაზღვრული. ასე წინასწარ იცი, რა ფინანსურ მხარდაჭერას მიიღებ და საკუთარ გეგმებსაც უფრო გაბედულად მიჰყვები.

სტანდარტული შეთავაზებები მხოლოდ კომპანიებში დასაქმებულ თანამშრომლებზე იყო გათვლილი, შენთვის კი ერთადერთ ალტერნატივად ინდივიდუალური ჯანმრთელობის დაზღვევის შეძენა რჩებოდა. თუმცა, მსგავსი პოლისები ფრილანსინგის თავისებურებებსა და რისკებს არ ითვალისწინებს.

„ვაიზერმა“ ეს ტრადიციული ხედვა შეცვალა და პოლისი პირდაპირ შენი სამუშაო რეჟიმის თავისებურებებს მოარგო. დღიური კომპენსაცია, მუდმივი სატელეფონო მხარდაჭერა, პირადი მრჩეველი და სწრაფი ანაზღაურება სწორედ იმ რისკებისგან დაგაზღვევს, რომლებთანაც შეიძლება აქამდე მარტო დარჩენილიყავი.